बलात्कार घटनाका आरोपित गिरफ्तार

  ०७७ भदौ ८ गते

१६ वर्षीया बालिकालाई बलात्कार गरेको आरोपमा जिल्ला प्रहरी कार्यालय धनुषाले धनुषाधाम नपा–२ धरमपुर टोलका १९ वर्षीय विजयकुमार यादवलाई भदौ ७ गते गिरफ्तार गरेको छ ।

पीडित बालिकालाई भदौ १ गते साँझ चार जनाले धनुषाधाम नपा–२ धरमपुरस्थित सुकन यादवको धान खेतमा सामूहिक बलात्कार गरेको भन्दै पीडित पक्षले भदौ २ गते जिल्ला प्रहरी कार्यालय धनुषामा उजुरी दियो ।

उजुरीमा उल्लेख गरे अनुसारको हुलियाका आधारमा आरोपित पहिचान गरी यादवलाई गिरफ्तार गरेको जिल्ला प्रहरी कार्यालय धनुषाका डिएसपी रामेश्वर कार्कीले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकाको स्वास्थ्य परीक्षण प्रादेशिक अस्पताल जनकपुरधाममा भदौ २ गते गरिएको छ । घटनामा संलग्न अन्य  तीन जना आरोपितको खोजी कार्य भइरहेको डिएसपी कार्कीले बताउनु भयो ।


दिपेन्द्रप्रसाद सिंह