बलात्कार घटनाका आरोपित गिरफ्तार

  ०७७ भदौ २ गते

२६ वर्षीया महिलालाई बलात्कार गरेको आरोपमा कालिमाटी गाउँपालिका –२ का २५ वर्षीय लोकराज परियारलाई साउन ३१ गते गिरफ्तार गरेको जिल्ला प्रहरी कार्यालय सल्यानका प्रमुख डिएसपी ढकेन्द्र खतिवडाले बताउनुभयो ।

कालिमाटी गाउँपालिका–३ मा रहेको घट्टमा ०७७ साउन ३० गते गहुँ पिसाउनबाट एक्लै घर फर्किँदा आरोपितले ध्वालकाँडा जङ्गलमा बलात्कार गरेको पीडितले इन्सेकलाई फोन मार्फत जानकारी दिनुभयो ।

पीडित महिलाको स्वास्थ्य परीक्षण साउन ३१ गते जिल्ला स्वास्थ्य सेवा कार्यालय सल्यानमा गरिएको स्वास्थ्य सेवा कार्यालय सल्यानका प्रमुख दशरथ श्रेष्ठले जानकारी दिनुभयो ।

पीडित पक्षले साउन ३२ गते जिल्ला प्रहरी कार्यालय सल्यानमा उजुरी दिएको र आरोपितलाई हिरासतमा राखी अनुसन्धान गरिरहेको प्रहरीले जनाएको छ ।


मिना बुढाथोकी