बलात्कार घटनाका आरोपित गिरफ्तार

  ०७७ वैशाख २५ गते

१८ वर्षीया महिलालाई बलात्कार गरेको आरोपमा प्रहरीले वैशाख २४ गते भारतीय नागरिकलाई गिरफ्तार गरेको छ  ।
भारतको मोतिहारी स्थायी घर भएका ४६ वर्षीय एक पुरूषलाई महानगरीय प्रहरी परिसर काठमाडौँबाट खटिएको टोलीले काठमाडौँ जैसीदेवलबाट गिरफ्तार गरेको हो ।

पीडितलाई आरोपितले आफ्नै घरमा बलत्कार गरेको पीडितको उजुरीमा खुलाइएको महानगरीय प्रहरी परिसरका प्रवक्ता एसपी सोमेन्द्रसिंह राठौरले बताउनु भयो ।

पीडितले वैशाख २३ गते प्रहरीमा उजुरी गरेपछि आरोपितलाई गिरफ्तार गरिएको थियो । आरोपितले यसअघि पनि पटक पटक बलात्कार गरेको पीडितले उजुरीमा उल्लेख गर्नुभएको छ । पीडितको स्वास्थ्य परीक्षण प्रसूती गृह थापाथलीमा वैशाख २४ गते गरिएको र अस्पतालको रिपोर्टले पीडितमाथि बलात्कार भएको देखाएको प्रहरीले जनाएको छ ।


विमला पाैडेल