बलात्कार घटनाका आरोपित गिरफ्तार नगरेको पीडित परिवारको आरोप

  ०७६ चैत १३ गते

वीरगंज मनपा–१७ अलौंमा बलात्कारको घटना भएको एक महिना बितिसक्दा पनि संलग्न अभियुक्तलाई प्रहरीले पक्राउ नगरेको पीडित परिवारको आरोप छ ।

पीडित परिवारका अनुसार स्थानीय नेताहरूको दबाबमा आएर पर्सा प्रहरीले मुख्य आरोपित ४२ वर्षीय सुमेश साह कानूलाई पक्राउ नगरेको हो ।

गत फागुन १६ गते साँझ साढे ६ बजे १० वर्षीया बालिकालाई दुईजनाले जबरजस्ती करणी गरेका थिए । जसमध्ये चैत ३ गते ३५ वर्षीय गुरु साह कानूलाई प्रहरीले गिरफ्तार गरिसकेको छ  ।  अर्का आरोपित ४२ वर्षीय सुमेश साह कानू भने फरार छन् ।

साँझपख गाउँको चोकमा दूध किन्न गएकी बालिकालाई दुवैजनाले नियन्त्रणमा लिई करणी गरेको उजुरीमा उल्लेख छ ।

बलात्कार आरोपी फरार रहेको र उनको खोजीकार्य भइरहेको जिल्ला प्रहरी कार्यालय पर्साका डिएसपी गौत थापाले बताउनु भयो ।

पीडित बालिकाको फागुन १७ गते नारायाणी अस्पतालमा स्वास्थ्य परिक्षण भएको थियो ।


केसी लामिछाने