बलात्कार घटनाका आरोपित गिरफ्तार

  ०७६ मङ्सिर १२ गते

४१ वर्षीया महिलालाई बलात्कार गरेको आरोपमा प्रहरीले रैनादेवी छहरा गाउँपालिका–१ सिद्धेश्वरका ६८ वर्षीय ठूलो बेने कुमाललाई मङ्सिर १० गते गिरफ्तार गरेको प्रहरीले जनाएको छ ।
पीडित महिलालाई आरोपितले कात्तिक २८ गते बलात्कार गरेको भन्दै पीडित महिलाले मङ्सिर ९ गते जिल्ला प्रहरी कार्यालयमा उजुरी दर्ता गराउनु भएको थियो ।
पीडित महिलाले दिएको उजुरीका आधारमा आरोपितलाई गिरफ्तार गरी अनुसन्धान थालिएको जिल्ला प्रहरी कार्यालय पाल्पाका सई मोतीबहादुर खड्काले बताउनु भयो ।
पीडित महिलाको स्वास्थ्य परीक्षण मङ्सिर १० गते जिल्ला अस्पताल पाल्पामा गरिएको प्रहरीले जनायो ।


यज्ञमूर्ति तिमिल्सिना