बलात्कार घटनाका आरोपितहरू गिरफ्तार

  ०७५ कात्तिक ६ गते

१६ वर्षीया बालिकालाई सामूहिक बलात्कार गरेको आरोपमा भारतको मधुवनी जिल्ला भरचौराहा पञ्चायत–१२ का ३७ वर्षीय कासिनाथ सिंह, २५ वर्षीय उगन सहनी, ३० वर्षीय मुकेश सहनी र सोही पञ्चायत–९ का २५ वर्षीय विजय यादवलाई जिल्ला प्रहरी कार्यालय सिरहाले कात्तिक ५ गते गिरफ्तार गरेको छ ।

पीडित बालिकालाई आरोपितहरूले कात्तिक ५ गते सामूहिक बलात्कार गरेको आरोपमा पीडित पक्षले जिल्ला प्रहरी कार्यालय सिरहामा कात्तिक ६ गते उजुरी दिएको थियो । पीडित बालिकाको स्वास्थ्य परीक्षण जिल्ला अस्पताल सिरहामा कात्तिक ५ गते नै गरिएको छ ।

जिल्ला प्रहरी कार्यालय सिरहाका एसपी जिवन कुमार श्रेष्ठका अनुसार घटनाको जानकारी कात्तिक ५ गते नै आएकोले आरोपितहरूलाई गिरफ्तार गरी कारवाही प्रकृया अगाडि बढाइएको छ ।


दुर्गा परियार