बलात्कार घटनाका आरोपितविरूद्ध उजुरी दर्ता गरी कारबाहीको माग गर्दै प्रहरी कार्यालयमा धर्ना
२० वर्षीया युवतीलाई बलात्कार गरेको आरोपमा हंसपुर नपा–४ का २३ वर्षीय प्रविण कापरलाई गिरफ्तार गरी उजुरी दर्ता गर्न माग गर्दै पीडित परिवारजनले जिल्ला प्रहरी कार्यालयमा मङ्सिर ५ गते धर्ना दिएका छन् ।
पीडित युवतीलाई आरोपितले कात्तिक २९ गते राति ११ बजे पीडितकै घरमा आएर बलात्कार गरेको पीडित पक्षको आरोप छ ।
उक्त घटना गाउँमै मिलाउन कात्तिक ३० गते पञ्चायत बसेको थियो । पञ्चायतमा केटा र केटी दुवै अविवाहित भएको भन्दै विवाह गराउने सहमति भएपनि पञ्चायतबाटै केटा पक्षले विवाह नगर्ने अडान लिएपछि घटना बाहिर आएको हो ।
पीडित युवती, पीडितकी आमा र दाजु मङ्सिर २ गते जिल्ला प्रहरी कार्यालयमा उजुरी दर्ता गराउन आएपनि उजुरी दर्ता नगरी आरोपितलाई उम्काउन खोजेको भन्दै प्रहरीलाई दबाब दिन धर्नामा बसेको पीडित पक्षले जनाएको छ ।
धर्नामा आएका गाउँलेका अनुसार घटनालाई लुकाउन र उल्टै आरोपितलाई ‘लुकाएको’ भन्दै जिल्ला प्रहरी कार्यालयमा उजुरी दर्ता गराउन लागेकोमा आरोपित पक्षबाट पीडित पक्ष असुरक्षित रहेको पीडित पक्षले जनाएको छ ।
आरोपितका दुई जना काका विजय कापर र दिलिप कापर हाल जिल्ला प्रहरी कार्यालय धनुषामै कार्यरत छन् । आरोपित कापरका बुबा अजय कापर समेत प्रहरीबाट अवकाश प्राप्त भएकाले प्रहरीले घटनालाई दबाउन खोजेको पीडित पक्षको आरोप छ ।
घटनाबारे जिल्ला प्रहरी कार्यालय धनुषाका डिएसपी रामेश्वर कार्कीले उजुरीमा निवेदकको हस्ताक्षर, पीडितको नाम र बतन खुल्ने गरी र गोप्य निवेदन समेत गरी दुई प्रकारको उजुरी आउनुपर्नेमा त्यसो नभएको र घटनाबारे प्रहरीले अनुसन्धान गरिरहेकाले उजुरी दर्तामा ढिलो भएको बताउँदै निवेदकलाई बोलाएर चाँडै उजुरी दर्ता गरी आवश्यक कारवाही प्र्रक्रिया अगाडि बढाइने बताउनुभयो ।
पीडित युवतीको स्वास्थ्य परीक्षण मङ्सिर २ गते प्रादेशिक अस्पताल जनकपुरमा गरिएको प्रहरीले जनायो ।
दिपेन्द्रप्रसाद सिंह
संबंधित समाचारहरू
यौन दुर्व्यवहार गरेको कसुरमा नौ वर्ष कैदको फैसला
१२ वर्षीया बालिकालाई यौन दुर्व्यवहार गरेको कसुरमा जिल्ला अदालतले माडी नगरपालिका ६ बसन्तचोकका २४ वर्षीय कृष्ण भन्ने यम प्रसाद सापकोटालाई नौ वर्ष कैद फैसला गरेको छ । न्यायाधीश विनोदकुमार गौतमको…
बलात्कार गरेको कसुरमा १२ वर्ष कैदको फैसला
१३ वर्षीया बालिकालाई बलात्कार गरेको आरोपमा बाल सुधार गृहमा रहेका १६ वर्षीय बालकलाई जिल्ला अदालत ललितपुरको बाल इजलासले मङ्सिर १८ गते १२ वर्ष कैद सजाय गर्ने फैसला गरेको छ ।…
कक्षाकोठा र शिक्षकको अभावले एउटै कक्षामा पठनपाठन
भूमे गाउँपालिका–२ स्थित बालविकास आधारभूत विद्यालय जङ्गाडाँडामा आवश्यक कक्षाकोठा र शिक्षकको अभावले विद्यार्थीहरूलाई एउटै कक्षाकोठामा राखेर पठनपाठन सञ्चालन भइरहेको छ । कक्षाकोठा र शिक्षकको अभावले विद्यार्थीहरूको पठनपाठन प्रभावित बनेको हो…
शिक्षकले कुटपिट गरेको आरोपमा आयोगमा उजुरी
नेपालगञ्जस्थित रेडहिल एकेडेमी स्कुलको कक्षा २ मा अध्ययनरत आठ वर्षीय प्रतिक रस्तोगीलाई विज्ञान शिक्षक २३ वर्षीय मनोज केसीले गृहकार्य नगरेको आरोपमा कुटपिट गरेको भन्दै पीडित पक्षले राष्ट्रिय मानव अधिकार आयोग…
यूपिआरका सम्बन्धमा गण्डकी प्रदेशस्तरीय परामर्श बैठक सम्पन्न
विश्वव्यापी आवधिक समीक्ष (यूपीआर) का लागि राष्ट्रिय मानव अधिकार आयोगले पोखरामा मङ्सिर १८ गते गण्डकी प्रदेशस्तरीय परामर्श बैठक गरेको छ । बैठकमा बोल्दै गण्डकी प्रदेशका सामाजिक विकास मन्त्री नरदेवी पुनले…