समाचारहरू

पाँच वर्षीया बालिकालाई बलात्कार गरेको आरोपित धनुषा जिल्ला हंसपुर नपा-८ का ४८ वर्षीय कल्याणबहादुर कार्कीविरूद्ध पीडित पक्षले पुस २१ गते जिल्ला प्रहरी कार्यालय धनुषामा उजुरी दिएका छन् ।

पीडित बालिकालाई आरोपितले पुस २० गते दिउँसो चकलेटको प्रलोभन देखाएर आफ्नै घरमा लगी बलात्कार गरेको आरोप छ ।

पीडित बालिका घर पुगेपछि उनकी आमाले घटनाबारे थाहा पाएर उपचारको लागि अस्पताल लगेकी थिइन् । स्थानीय स्तरमा उपचार सम्भव नभएपछि उनलाई थप उपचारको लागि जनकपुर लगिएको छ ।

अत्याधिक रक्तस्रावका कारण बालिकाको अवस्था नाजुक रहेको बताइएको छ । पीडित बालिकाको उपचार तथा स्वास्थ्य परीक्षण जनकपुर अञ्चल अस्पतालमा पुस २१ गते गरिएको जिल्ला प्रहरी कार्यालय धनुषाका इन्स्पेक्टर उमाशङ्कर साहले बताए ।

पीडित परिवारले आरोपीविरूद्ध सोही दिन उजुरी दिएको र आरोपितलाई गिरफ्तार गर्न प्रहरी परिचालन भइसकेको इन्स्पेक्टर साहले जानकारी दिए ।

अजयकुमार साह