समाचारहरू

३० वर्षीया महिलालाई बलात्कार गरेको आरोपमा मायादेवी गाँउपालिका–१ अहिरौलीका ३० वर्षीय जैस मोहमद नाउँविरूद्ध मङ्सिर १२ गते इलाका प्रहरी कार्यालय लुम्बुनीमा उजुरी उजुरी दर्ता गरिएको छ ।

पीडित महिलालाई आरोपितले मङ्सिर ११ गते बलात्कार गरेको भन्दै पीडित पक्षले मङ्सिर ११ गते उजुरी दिएकी थिइन् ।

पीडितले दिएको उजुरीका आधारमा आरोपितको खोजी भइरहेको इलाका प्रहरी कार्यालय मर्चवारका इन्स्पेक्टर थमन रजालीले बताए । पीडित महिलाको स्वास्थ्य परीक्षण मङ्सिर ११ गते भिम अस्पताल भैरहवामा गरिएको प्रहरीले जनायो ।

त्यसैगरी ३० वर्षीया महिलालाई बलात्कार गरेको आरोपमा लुम्बिनी सांस्कृतिक नगरपालिका–११ का ३२ वर्षीय सुन्दर केवटविरूद्ध इलाका प्रहरी कार्यालय लुम्बिनीमा मङ्सिर ११ गते उजुरी दर्ता गरिएको छ  ।

पीडित महिलालाई आरोपितले मङ्सिर १० गते बलात्कार गरेर फरार रहेको भन्दै पीडितले मङ्सिर ११ गते उजुरी दिएकी थिइन् ।

आरोपितको खोजी कार्य भइरहेको इन्स्पेक्टर शङ्कर पोखरेलले बताए । पीडित महिलाको स्वास्थ्य परीक्षण मङ्सिर ११ गते भिम अस्पताल भैरहवामा गरिएको प्रहरीले जनायो ।

रीमा बिसी