बलात्कार गरेको कुसरमा सात वर्ष कैदको फैसला

  ०७६ वैशाख ११ गते

४३ वर्षीया महिलालाई बलात्कार गरेको कसुरमा मादी गाउँपालिका–५ मिजुरे घर भई पोखरा मनपा–३० ढुङ्गेपाटन बस्ने ४३ वर्षीय मिनुराज घिमिरेलाई जिल्ला अदालतले सात वर्ष कैदको फैसला सुनाएको छ ।

न्यायाधीश काजीबहादुर राईको इजलासले वैशाख १० गते सात वर्ष कैदसँगै १० हजार रुपियाँ क्षतिपुर्तिको सजाय सुनाएको हो ।

पीडित महिलालाई आरोपितले ०७५ कात्तिक १७ गते बलात्कार गरेको भन्दै पीडितले कात्तिक १९ गते प्रहरीमा उजुरी दिएकी थिइन् ।

पीडित महिलाको स्वास्थ्य परीक्षण ०७५ कात्तिक १९ गते पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पतालमा गरिएको थियो ।


सुशन घिमिरे