बलात्कार गरेको कसुरमा ६ वर्षकैदको फैसला

  ०७६ असार ११ गते

१६ वर्षीया बालिकालाई बलात्कार गरेको कसुरमा बोदे जिल्ला अदालतले बर्साइन नपा-७ मानराजाका १८ वर्षीय घुरनकुमार यादवलाई असार १० गते ६ वर्षकैद सजायको फैसला गरेको छ ।

न्यायाधीश नन्दकिशोरप्रसाद यादवको इजलासले कारागारमा थुनामा रहेका आरोपितलाई ६ वर्षकैद सजायको फैसला गर्नुका साथै ५० हजार रुपियाँ क्षतिपूर्ति भराउने अन्तिम फैसला गरेको हो ।

जिल्ला अदालतको आदेशमा आरोपित ०७५ वैशाख ७ गतेदेखि पुपर्क्षका लागि राजविराज कारागारमा थुनामा छन् ।

पीडितकै घरकोठामा ०७४ चैत ९ गते बलात्कार गरेको भन्दै पीडितले इलाका प्रहरी कार्यालय कल्याणपुरमा चैत १० गते उजुरी दिएकी थिइन् ।

पीडित बालिकाको स्वास्थ्य परीक्षण लहान नपा-३ स्थित रामकुमार उमाप्रसाद शारदा स्मारक अस्पतालमा ०७४ चैत १० गते गरिएको थियो ।

इलाका प्रहरी कार्यालय कल्याणपुरले ०७४ चैत १० गते आरोपितलाई गिरफ्तार गरी उजुरी दर्ता गरेर कारवाही अगाडि बढाएको हो ।


मनोहरकुमार पोखरेल