बलात्कार गरेको कसुरमा १८ वर्ष कैद सजायको फैसला

  ०७७ चैत २६ गते

१३ वर्षीया बालिकालाई बलात्कार गरेको कसुरमा जिल्ला अदालतले वालिङ नगरपालिका–९ का  १९ वर्षीय मदन माझीलाई १८ वर्ष कैद सजायको फैसला सुनाएकाे छ ।

जिल्ला अदालत स्याङजाका न्यायाधीश सुर्यबहादुर थापाको चैत २५ गतेको इजलास कसुर ठहर गर्दै आरोपितलाई १८ वर्ष कैद सजाय र ५० हजार रुपियाँ क्षतिपुर्तिको फैसला गरेको जिल्ला अदालत स्याङजाका श्रेस्तेदार विश्वप्रसाद काफलेले जानकारी दिनुभयो ।

पीडितलाई आरोपितले ०७६ वैशाख ४ गते बलात्कार गरेको भन्दै पीडित पक्षले ०७७ वैशाख ११ गते  वडा  प्रहरी कार्यालय वालिङमा उजुरी दिएका थिए ।

सोही उजुरीका आधारमा प्रहरीले आरोपितलाई वैशाख ११ गते गिरफ्तार गरी जिल्ला सरकारी वकिलको कार्यालय मार्फत जेठ ५ गते जिल्ला अदालत स्याङजामा जबरजस्तीकरणी शीर्षकमा मुद्दा दर्ता गरेको थिए ।

जिल्ला अदालत स्याङजाको आदेशले आरोपित जेठ ६ गतेदेखि पुर्पक्षको लागि कारागारमा रहेको जिल्ला अदालत स्याङजाका श्रेस्तेदार काफ्लेले बताउनुभयो ।


तिलकुमारी थापा