बलात्कार गरेको कसुरमा १६ वर्ष कैद सजायको फैसला

  ०७७ भदौ २५ गते

१६ वर्षीया भाञ्जीलाई बलात्कार गरेको कसुरमा अदालतले ४१ वर्षीया मामालाई भदौ २४ गते १६ वर्ष कैद सजायको फैसला सुनाएको छ ।

न्यायाधीश विश्वनाथ भट्टराईको इजलासले कसुर गरेको ठहर गर्दै कैद सजायसँगै ३० हजार रुपियाँ जरिबाना र पीडितले पाउने गरी ५० हजार रुपिया क्षतिपूर्ति भराउन आदेश दिएको छ ।

आरोपितले ०७६ जेठ ९ गते बलात्कार गरेको आरोपमा पीडित पक्षले आरोपितविरूद्ध जेठ १४ गते इलाका प्रहरी कार्यालय झिलझिलेमा उजुरी दिएको थियो ।

पीडित पक्षको उजुरीका आधारमा प्रहरीले आरोपितलाई जेठ १४ गते गिरफ्तार गरी कारबाही अघि बढाएको थियो ।

जिल्ला अदालतको ०७७ असार १ गतेको आदेशमा आरोपित पुर्पक्षका लागि थुनामा रहेका थिए ।

पीडित बालिकाको स्वास्थ्य परीक्षण मेची अस्पतालमा ०७६ जेठ २० गते गरिएको थियो ।


नरेश खाती