बलात्कार गरेको कसुरमा १५ वर्ष कैद फैसला

  ०७६ वैशाख ३१ गते

८४ वर्षीया महिलालाई बलात्कार गरेको कसुरमा जिल्ला अदालतले रघुगङ्गा गाउँपालिका–३ पिप्लेका ३५ वर्षीय गोरे परियार भन्ने सूर्य दर्जीलाई १५ वर्ष कैद र ५० हजार रुपियाँ क्षतिपुर्ति भराउने फैसला गरेको छ ।

न्यायाधीश राजकुमार कोइरालाको इजलासले वैशाख ३० गते सो फैसला गरेको श्रेस्तेदार खिलप्रसाद बुर्लाकोटीले जानकारी दिए ।

मुलुकी अपराध संहिता अनुसार बलात्कार कसुरमा १० वर्ष र अशक्त तथा बृद्ध महिलालाई बलात्कार गरेकोले थप ५ वर्ष गरी १५ वर्ष कैद फैसला गरेको जिल्ला अदालतले जनाएको छ ।

पीडित महिलालाई दर्जीले ०७५ फागुन १० गते बलात्कार गरेको भन्दै पीडित पक्षले सोही दिन प्रहरीमा उजुरी दिएका थिए ।

पीडितको स्वास्थ परीक्षण फागुन ११ गते जिल्ला अस्पताल बेनीमा सम्पन्न भएको थियो ।


अमृत बास्कुने