बलात्कार गरेको कसुरमा १२ वर्ष कैदको फैसला

  ०७६ असार १३ गते

७३ वर्षीया महिलालाई बलात्कार गरेको आरोपमा पक्राउ परेका खैरहनी नगरपालिका–३ का ४१ वर्षीय भोजबहादुर थापामगरलाई १२ वर्ष कैद फैसला भएको छ ।

साथै पीडितलाई ५० हजार रुपियाँ क्षतिपूर्ति भराउने फैसला समेत भएको छ । जिल्ला अदालत चितवनका न्यायधीश वासुदेव न्यौपानेको इजलासले असार १२ गते उक्त फैसला गरेको हो ।

पीडित महिलालाई ०७५ माघ १७ गते बलात्कार गरेको भन्दै माघ १८ गते इलाका प्रहरी कार्यालय खैरहनीमा उजुरी दर्ता भएको थियो ।

मगरलाई माघ १८ गते नै प्रहरीले गिरफ्तार गरेको थियो । पीडित महिलाको स्वास्थ्य परीक्षण माघ १९ गते भरतपुर अस्पतालमा भएको थियो ।


दिपेन्द्र अधिकारी