बलात्कार गरेको कसुरमा साढे सात वर्ष कैदको फैसला

  ०७६ असार ३० गते

मनोसामाजिक अपाङ्गता भएकी २२ वर्षीया युवतीलाई बलात्कार गरेको कसुरमा जिल्ला अदालतले चितवन खैरहनी नपा–८ का २८ वर्षीय विष्णु बस्नेतलाई ७ वर्ष ६ महिना कैद सजाय र ५० हजार रुपियाँ जरिवानाको फैसला गरेको छ ।

न्यायाधीश पुनाराम खनालको असार २९ गते बसेको इजलासले सो फैसला गरेको जिल्ला अदालतका सूचना अधिकृत दुर्गाबहादुर कार्कीले जानकारी दिए ।

पीडित युवतीलाई आरोपित बस्नेतले ०७५ भदौ ८ गते बलात्कार गरेको भन्दै पीडित पक्षले भदौ ११ गते जिल्ला प्रहरी कार्यालय, नवलपरासी (बर्दघाट सुस्ता पूर्व)मा उजुरी दिएको थियो ।

पीडित पक्षको उजुरीपछि प्रहरीले आरोपितलाई भदौ १४ गते गिरफ्तार गरेको थियो । पीडित युवतीको स्वास्थ्य परीक्षण भदौ ११ गते नै भरतपुर अस्पताल चितवनमा गरिएको थियो ।


तिर्थराज डुम्रे