बलात्कार गरेको कसुरमा सात वर्ष कैद सजायको फैसला

  ०७७ पुस २३

२९ वर्षीया महिलालाई बलात्कार गरेको कसुरमा जिल्ला अदातलले म्याङलुङ नगरपालिका– ८ का २१ वर्षीय अर्जुन श्रेष्ठलाई पुस २२ गते सात वर्ष कैद सजायको फैसला गरेको छ ।

न्यायाधीश महेन्द्रप्रसाद पोख्रेलको पुस २२ गतेको इजलासले कसुर गरेको ठहर गर्दै सजायको फैसला गरेको हो ।

पीडित महिलालाई आरोपितले ०७७ कात्तिक ९ गते बलात्कार गरेको आरोपमा पीडित पक्षले आरोपितविरूद्ध कात्तिक ११ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा प्रहरीले आरोपितलाई कात्तिक ११ गते घरबाटै गिरफ्तार गरी कानुनी कारबाही अघि बढाएको थियो ।

न्यायाधीश महेन्द्रप्रसाद पोखरेलको कात्तिक २६ गतेको आदेशमा आरोपित पुर्पक्षका लागि थुनामा थिए ।

पीडितको स्वास्थ्य परीक्षण जिल्ला अस्पतालमा कात्तिक ९ गते गरिएको थियो ।


भगिश्वर लिम्बू