बलात्कार गरेको कसुरमा पाँच वर्ष कैद सजायको फैसला

   ०७६ माघ २२ गते

२३ वर्षीया महिलालाई बलात्कार गरेको कसुरमा अदालतले जिल्ला सप्तरी राजविराज नगरपालिका–१ का ३४ वर्षीय सञ्जय भनिने देवेन्द्रप्रसाद यादवलाई माघ २२ गते पाँच वर्ष कैद सजायको फैसला सुनाएको छ ।

न्यायधीश प्रकाश श्रेष्ठको इजलासले कसुर ठहर गर्दै कैद सजायसँगै पीडितले पाउने गरी ५० हजार रुपियाँ कसुरदारबाट क्षतिपूर्ति भराउन आदेश भएको अदालतका सूचना अधिकारी गोपाल गिरीले बताउनुभयो ।

आरोपितले ०७५ माघ ७ गते बलात्कार गरेको आरोपमा पीडित पक्षले आरोपित विरूद्ध माघ ९ गते इलाका प्रहरी कार्यालय इटहरीमा उजुरी दिएका थिए ।

आरोपितलाई प्रहरीले माघ १० गते गिरफ्तार गरी कानूनी कारबाही अघि बढाएको थियो ।

पीडित महिलाको स्वास्थ्य परीक्षण ०७५ माघ ८ गते जिल्ला अस्पतालमा गरिएको थियो ।


जयकृष्ण यादव