बलात्कार गरेको कसुरमा दश वर्ष कैद सजायको फैसला

   ७६ माघ २२ गते

१३ वर्षीया बालिकालाई बलात्कार गरेको कसुरमा अदालतले जिल्ला भोजपुर अरूण गाउँपालिका–३ का ३० वर्षीय खिलक दर्जीलाई माघ २० गते दश वर्ष कैद सजायको फैसला सुनाएको छ ।

न्यायधीश प्रकाश मणिराम न्यौपानेको इजलासले कैद सजाय तोकेको अदालतका सूचना अधिकारी गोपाल गिरीले बताउनुभयो ।

आरोपितले ०७६ भदौ १७ गते बलात्कार गरेको आरोपमा पीडित पक्षले भदौ २६ गते इलाका प्रहरी कार्यालय धरानमा आरोपित विरूद्ध उजुरी दिएका थिए । आरोपितलाई प्रहरीले भदौ २८ गते गिरफ्तार गरी कानूनी कारबाही अघि बढाएको थियो ।

पीडित बालिकाको स्वास्थ्य परीक्षण भदौ २८ गते बिपी कोईराला स्वास्थ्य विज्ञान प्रतिष्ठान(घोपा)मा गरिएको थियो ।

 


जयकृष्ण यादव