समाचारहरू

२३ वर्षीया युवतीलाई बलात्कार गरेको कसुरमा जिल्ला अदालतले १७ वर्षीय बालकलाई चार वर्ष आठ महिना कैद सजायको सुनाएको छ ।

न्यायाधीश अमृतबहादुर बस्नेतको पुस २४ गतेको इजलासले कसुर गरेको ठहर गर्दै कैद सजायसँगै पीडितले पाउने गरी २५ हजार रुपियाँ कसुरदारबाट भराउन आदेश भएको अदालतका श्रेस्तेदार मदनप्रसाद पराजुलीले इन्सेक प्रतिनिधिसँगको भेटमा बताउनु भयो ।

पीडित युवतीलाई आरोपितले ०७६ फागुन १७ गते बलात्कार गरेको आरोपमा पीडित पक्षले आरोपितविरूद्ध चैत १ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा प्रहरीले आरोपितलाई चैत १ गते गिरफ्तार गरी चैत २८ गते जिल्ला अदालतमा बलात्कार शीर्षकमा मुद्दा दर्ता गरी कारबाही अघि बढाएको थियो ।

जिल्ला अदालतको ०७७ वैशाख ३ गतेको आदेशमा आरोपित पुर्पक्षका लागि बाल सुधार गृह विराटनगरमा थुनामा थिए ।

पीडितको स्वास्थ्य परीक्षण मेची अस्पतालमा चैत १ गते गरिएको थियो ।

नरेश खाती