बलात्कार गरेको कसुरमा आठ वर्ष कैद सजायको फैसला

   ०७६ माघ २७ गते

२३ वर्षीया महिलालाई बलात्कार गरेको कसुरमा अदालतले रामधुनी नगरपालिका–५ का ३५ वर्षीय भीमबहादुर गुरुङलाई माघ २७ गते आठ वर्ष कैद सजायको फैसला गरेको छ ।

न्यायधीश ध्रुवकुमार उप्रेतीको इजलासले कसुर ठहर गर्दै कैद सजायको फैसला गरेको अदालतका सूचना अधिकारी गोपाल गिरीले बताउनुभयो ।

आरोपितले ०७६ भदौ १ गते बलात्कार गरेको आरोपमा पीडित पक्षले आरोपित विरूद्ध भदौ २ गते इलाका प्रहरी कार्यालय पकलीमा उजुरी दिएका थिए ।

आरोपितलाई प्रहरीले भदौ २ गते गिरफ्तार गरी कानूनी कारबाही अघि बढाएको थियो ।

पीडित महिलाको स्वास्थ्य परीक्षण जिल्ला अस्पतालमा भदौ २ गते गरिएको थियो ।


जयकृष्ण यादव