बलात्कार कसुरमा १२ वर्ष तीन महिना कैदको फैसला

  ०७७ असार १९ गते

१४ वर्षीया बालिकालाई बलात्कार गरेको कसुर ठहर गर्दै  जिल्ला अदालतले असार १९ गते  रुकुम पश्चिम जिल्ला  सानीभेरी गाउँपालिका–३ का २६ वर्षीय चित्रबहादुर नकाललाई १२ वर्ष ३ महिना कैदको फैसला गरेको छ ।

जिल्ला न्यायाधीश रितेन्द्र थापाको इजलासले कैदको साथै १ लाख रुपियाँ क्षतिपूर्ति भराउने फैसला गरेको स्रेस्तेदार धनसिंह गिरीले बताउनु भयो ।

पीडितलाई आरोपितले विवाहको प्रलोभन देखाएर  ०७६ साउन ६ गतेदेखि १० गतेसम्म बलात्कार गरेको भन्दै पीडितपक्षले साउन ११ गते इलाका प्रहरी कार्यालय,तुलसीपुरमा उजुरी दिएका थिए । प्रहरीले सोही दिन आरोपितलाई गिरफ्तार गरी भदौ २ गते जिल्ला अदालतमा मुद्दा दर्ता गरेको थियो ।

पीडितको स्वास्थ्य परीक्षण राप्ती प्रादेशिक अस्पताल, तुलसीपुरमा ०७६ साउन ११ गते गरिएको थियो ।


जयनारायण पुन