बलात्कार कसुरमा १६ वर्ष कैद सजायको फैसला

   ०७६ पुस १७ गते

दश वर्षीया बालिका बलात्कार गरेको आरोपमा पुर्पक्षका लागि थुनामा रहेका २८ वर्षीया विनोद भनिने जनार्दन लोहनीलाई अदालतले पुस १७ गते १६ वर्ष कैद सजायको फसैला गरेको छ ।

न्यायधीश दीपक खनालको इजलासले जिल्ला चितवन कठार नगरपालिका स्थायी घर भई कटारी नगरपालिका –४ मरूवामा बस्दै आएका कसुरदारलाई कैद सजायसँगै १० हजार रूपियाँ जरिबाना र पीडितले पाउने गरी २५ हजार रूपियाँ क्षतिपूर्ति भराउन आदेश दिएको हो ।

आरोपितले ०७५ फागुन १४ गते बलात्कार गरेको आरोपमा पीडित पक्षले फागुन १५ गते इलाका प्रहरी कार्यालय कटारीमा उजुरी दिएका थिए । आरोपितलाई प्रहरीले फागुन १५ गते गिरफ्तारी गरी कानूनी कारबाही अघि बढाएकोमा जिल्ला अदालतको ०७५ चैत १० को आदेशमा आरोपित पुर्पक्षका लागि थुनामा थिए ।

पीडित बालिकाको स्वास्थ्य परीक्षण जिल्ला अस्पतालमा फागुन १५ गते गरिएको थियो ।

 


           भरत खड्का