बलात्कार कसुरमा १२ वर्ष कैद सजायको फैसला

  ०७६ पुस १८ गते

१४ वर्षीया बालिकालाई बलात्कार गरेको कसुरमा त्रियुगा नगरपालिका–१६ का २४ वर्षीय रामकुमार राईलाई अदालतले पुस १७ गते १२ वर्ष कैद सजायको फैसला गरेको छ ।

न्यायधीश दीपक खनालको इजलासले कैद सजायसँगै कसुरदारलाई पीडितले पाउने गरी २५ हजार रूपियाँ क्षतिपूर्ति भराउन आदेश दिएको छ ।

आरोपितले ०७६ कात्तिक ५ गते बलात्कार गरेको आरोपमा पीडित पक्षले कात्तिक ६ गते जिल्ला प्रहरी कार्यालय बोक्सेमा उजुरी दिएका थिए । आरोपितलाई प्रहरीले कात्तिक ६ गते गिरफ्तार गरी कानूनी कारबाही अघि बढाएको थियो ।

पीडित बालिकाको स्वास्थ्य परीक्षण जिल्ला अस्पतालमा कात्तिक ६ गते गरिएको थियो ।

 

 

 

 

 


            भरत खड्का