बलात्कारबाट गर्भवती बनेकी बालिकालाई न्याय दिलाउन इन्सकेको पहल

  ०७५ पुस २७ गते

बलात्कारबाट गर्भवती भएकी १६ वर्षीया बालिकालाई न्याय दिलाउन इन्सेक सुनसरी प्रतिनिधिले पुस २५ गते बालिकाको अनुरोधमा प्रहरीमा आरोपितविरूद्घ उजुरी दर्ता गराई न्याय दिलाउन पहल गरेका छन् ।

आरोपितले कसैलाई भने मारी दिने धम्की दिएका कारण ६ महिनासम्म चुपचाप लागेर बस्न बाध्य भएको पीडितले इन्सेक प्रतिनिधिलाई बताइन् । पेटमा ६ महिनाको बच्चा भएकाले अधिकारकर्मीको पहलमा न्याय माग गर्दै प्रहरीमा उजुरी दिएको पीडितले बताइन् ।

उजुरीपछि आरोपितलाई गिरफ्तार गर्न प्रहरी परिचालन गरिएको जिल्ला प्रहरी कार्यालयका डिएसपी ज्ञानेन्द्र फुयालले बताए । आरोपितको नाम गिरफ्तार नभएसम्म गोप्य राखी दिन पीडित र प्रहरीले आग्रह गरेका छन् । डिएसपी फुयालले उजुरी दर्ता भएको र आरोपितको खोजी भइरहेको बताए ।


जयकृष्ण यादव