बलात्कारको झुठा आरोप सहित मुद्दा दायर गरेको कसुरमा ३ हजार जरिबाना

  ०७५ माघ १७ गते

बलात्कार गरेको भन्दै झुठो मुद्दा दिएको कसुरमा एक महिलालाई माघ १६ गते जिल्ला अदालतको आदेशले ३ हजार जरिबानाको फैसला सुनाएको छ ।

बागचौर नपा–८ निवासी २२ वर्षीया एक महिलाले ०७५ जेठ २९ गते एक प्रहरी जवानले आफूलाई बलात्कार गरेको भन्दै दिएको जाहेरी खण्डन हुने गरी बकपत्र भएको देखिएपछि अदालतले ति महिलालाई ३ हजार रुपियाँ जरिबानाको फैसला सुनाएको हो ।

बलात्कारको आरोप लागेका दैलेख घर भई हाल सल्यानको बागचौर नपामा रहेको अस्थाई प्रहरी पोष्ट पातिहाल्नमा कार्यरत प्रहरी जवान ३० वर्षीय छविलाल कसेराले भने सफाई पाएको जिल्ला अदालतका स्रस्तेदार दपिक पाख्रेलले जानकारी दिए ।


मिना बुढाथोकी