बन्चरो प्रहार गरी पत्नीको हत्या, आरोपित फरार

  ०७३ कात्तिक ११ गते

दैलेख सालखर्ककी ३६ वर्षीया खगीसरा सुनारलाई बन्चरो प्रहार गरी कात्तिक १० गते राति हत्या गरेको आरोपमा उनका ३९ वर्षीय पति मिनबहादुर सुनारलाई प्रहरीले खोजी कार्य जारी राखेको जनाएको छ ।

भारतको सिमलामा मजदुरी गर्ने मीनबहादुरसँगै बर्दियाको सोरहवा-३ बस्ने दाजु दलबहादुर सुनारको घरमा भेटघाटका लागि आएका बेला सामान्य विवाद हुँदा बञ्चरोले प्रहार गर्दा घटनास्थलमै खगीसराको मृत्यु भएको प्रहरीको भनाइ छ ।

मृतक महिलाको टाउको, घाँटी र निधारमा बन्चरोले प्रहार गरेको घाउ रहेको छ । आरोपित मिनबहादुर फरार रहेकाले उनको खोजी भइरहेको जिल्ला प्रहरी कार्यालय बर्दियाका डिएसपी नेत्रमणि गिरीले बताए ।

मृतक महिलाको शवको पोष्टमार्टम कात्तिक ११ गते जिल्ला अस्पताल गुलरियामा गरिएको डिएसपी गिरीले बताए ।


मानबहादुर चौधरी