समाचारहरू

इलाका प्रहरी कार्यालय मिर्चैयाको सकृयतामा माघ २७ गते तीन बालविवाह रोकिएका छन् । प्रहरीले कर्जन्हा नपा–६ का रिझन मुखियाकी १५ वर्षीय छोरी रन्जुको विवाह रोकाएको हो । उनको विवाह धनुषाको यदुकुहा नगरपालिका सिमराढीका अजय मुखियासँग हुन लागेको थियो ।
यसैगरी मिर्चैया नपा–१ का श्रीराम कापरकी १८ वर्षीया छोरी सङ्गिता कापर र कल्याणपुर नपा–१ का रामनरेश माझीको छोरी १८ वर्षीया गनिता माझीको विवाह रोकोएको इलाका प्रहरी कार्यालय मिर्चैयाका डिएसपी सन्तुलाल प्रसाद जैसवारले बताउनु भएको छ ।

स्थानीय अधिकारकर्मीहरूको विशेष सूचनाको आधारमा उमेर नपुगेकाले विवाह रोकेको डिएसपी जैसवारले बताउनु भएको छ । अभिभावलाई बालविवाह कानुनी रुपमा अपराध भएको र बालविवाह गराए कानुनी कारबाही हुने बताए पछि बालविवाह नगर्ने नगराउने विषयमा सहमत भएको डिएसपी जैसवारले बताउनु भएको छ ।

दुर्गा परियार