प्रदेश सांसदद्वारा एन्फा अध्यक्षमाथि हातपात

   ०७६ माघ ८ गते 

गण्डकी प्रदेश सभा सांसद ५३ वर्षीय राजीव गुरुङ  (दीपक मनाङे) ले अखिल नेपाल फुटबल संघ (एन्फा) कास्कीका अध्यक्ष ३९ वर्षीय मिलन गुरुङलाई दुव्र्यवहार गर्नुभएको छ ।

पोखरा महानगरपालिका–२९ भण्डारढिकमा ‘मुख्यमन्त्री कप फुटबल प्रतियोगिता’ को माघ ७ गते उद्घाटन कार्यक्रममा सहभागी हुन पुग्नुभएका गुरुङले एन्फा कास्की अध्यक्ष गुरुङलाई गालामा झापड हान्नुभएको हो ।

मनाङ क्षेत्र नं १ ‘ख’ बाट निर्वाचित सांसद गुरुङले आफ्ना जिल्लाबाट खेल खेल्न आएका खेलाडीहरुको व्यवस्थापन नगरेको भन्दै कार्यक्रम सुरु हुन भन्दा अगावैे आफूले झापड हानेकोे बताउनुभयो ।

‘मैले तीन झापड हानेको हुँ, मनाङबाट आएको सात दिन भयो । खेलाडी आफैँले पालेर राखिदिएको छु , बोलाएपछि अलिकति सहयोग त गर्नुपर्यो ’,उनले भने ।

एन्फा कास्की अध्यक्ष गुरुङले खल्तीको पैसा हालेर खेलाडीलाई होटेल व्यवस्थापन गर्न नसकिने र नियमानुसार नै काम गरिरहेको बताए ।

गुरुङले सांसदलाई अतिथिको रुपमा निमन्त्रणा गरेका कारण आफू संयमित भएको प्रतिक्रिया दिए । हाल सम्म कुनै पनि निकायमा उजुरी नदिइएपनि कानुनी प्रक्रियामा जाने तयारी भइरहेको उहाँले बताउनुभयो ।


सुशन घिमिरे