प्रतिबन्धित नेकपाका जिल्ला सेक्रेटरी गिरफ्तार

  ०७७ भदौ २९ गते

नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका ताप्लेजुङ सेक्रेटरी पाथीभरा वाङ्वरक गाँउपालिका–२ का ४२ वर्षीय किशोर मेन्याङ्बोलाई प्रहरीले भदौ २७ गते गिरफ्तार गरेको छ ।

जिल्ला सेक्रेटरी मेन्याङ्बोलाई फक्ताङ्गलुङ गाउँपालिका–३ लिङ्खिमस्थित सिँवाबाट गिरफ्तार गरिएको डीएसपी महेन्द्र श्रेष्ठले इन्सेक प्रतिनिधिसँगको भेटमा बताउनु भयो ।

मेन्याङ्बोमाथि फुङलिङ नगरपालिका–४ स्थित भानुजन माध्यमिक विद्यालयमा बम विस्फोट गराएको आरोप छ । सोही मुद्दामा जिल्ला अदालतले ०७७ भदौ २८ गते तोकेको २० हजार रुपियाँ धरौटी नबुझाएपछि पुर्पक्षका लागि थुनामा राखिएको डीएसपी श्रेष्ठले बताउनु भयो ।

मेन्याङ्बोलाईको स्वास्थ्य परीक्षण जिल्ला अस्पतालमा भदौ २७ गते गरिएको छ ।


देवराज गुरुङ