प्रतिबन्धित नेकपा सम्बद्ध विद्यार्थी कार्यकर्ता गिरफ्तार

  ०७६ साउन २८ गते

बम विस्फोट गराएको आरोपमा प्रहरीले नेत्रविक्रम चन्द (विप्लव) नेतृत्वको प्रतिबन्धित नेकपा सम्बद्ध अखिल क्रान्तिकारी विद्यार्थी सङ्गठनका कुमाख गाउँपालिका इञ्चार्जलाई साउन २७ गते श्रीनगरबाट गिरफ्तार गरेको छ ।

गिरफ्तार हुनेमा कुमाख गाउँपालिका-६ बडागाउँ बस्ने १९ वर्षीय अनिल बिक रहेका छन् । बिकले सोही गाउँपालिकामा असार ९ गते सिलिण्डर बम विष्फोट गराएको प्रहरीको आरोप रहेको छ ।

गिरफ्तार गरिएका बिकलाई हाल जिल्ला प्रहरी कार्यालय, सल्यानको हिरासतमा राखेर अनुसन्धान गरिरहेको डिएसपी विरेन्द्रबहादुर शाहीले जानकारी दिए ।

अखिल क्रान्तिकारी सल्यानले भने राजनीतिक आस्थाकै कारण विद्यार्थीलाई गिरफ्तार गर्नु निन्दनीय भएको जनाएको छ ।


मिना बुढाथोकी