प्रतिबन्धित नेकपाको कार्यकर्ता भएको आरोपमा गिरफ्तार

  ०७६ पुस १९ गते

नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीको कार्यकर्ता रहेको आरोपमा प्रहरीले आठबीस नपा–८ तिलेपाटाका ३३ वर्षीय नगेन्द्रबहादुर सिजापतीलाई पुस १७ गते राकमबाट गिरफ्तार गरेको छ ।
शंकास्पद गतिविधिमा संलग्न रहेको भन्ने सुचनाका आधारमा सिजापतीलाई गिरफ्तारपछि हिरासतमा राखेर अनुसन्धान गरिरहेको जिल्ला प्रहरी कार्यालय, दैलेखका डिएसपी हरिबहादुर ओलीले जानकारी दिनुभयो ।
आठबीस नपा–४ राकम बजारमा खुद्रा पसल गरी बसेको अवस्थामा सिजापतिलाई गिफ्तार गरेको जिल्ला प्रहरी कार्यालय, दैलेखले जनाएको छ ।


अमर सुनार