समाचारहरू

प्रतिबन्धित नेकपाका पाँचजना कार्यकर्ताहरूलाई प्रहरीले ०७७ माघ १९ गते मुसिकोट नपा – १ रावलबाराबाट गिरफ्तार गरेको छ ।

पार्टीको भातृ संगठन अखिल क्रान्तिकारीका जिल्ला अध्यक्ष त्रिवेणी गाउँपालिका –२ का २४ वर्षीय प्रेमप्रशान्त बोहरा, कार्यकर्ताहरू त्रिवेणी गापा –९ पेउघाका १६ वर्षीय नविन ओली, मुसिकोट नपा –१ का १९ वर्षीय सागर बुढा, सोही निवासी १७ वर्षीय अभिषेक बुढामगर र २७ वर्षीय किरण रसाइलीलाई प्रहरीले गिरफ्तार गरेको हो ।

मुसिकोट नगरपालिका–१ रावलबारामा संगठन विस्तार गरिरहेको सूचनाका आधारमा उनीहरुलाई गिरफ्तार गरिएको जिल्ला प्रहरी कार्यालय रुकुम पश्चिमका डिएसपी ध्रुवकुमार श्रेष्ठले बताउनुभयो ।
उनीहरुलाई गत माघ १० गते त्रिवेणी गाउँपालिका ६ बिसौनीमा प्रेसर कुकर बम राखेको समेत आरोप रहेको प्रहरीले जनाएको छ ।

गिरफ्तार गरिएका सबैको स्वास्थ्य परीक्षण पुस १८ गते जिल्ला अस्पताल सल्लेमा गरिएको अस्पतालका डाक्टर राजकुमार भुजेलले बताउनुभयो ।

मनिषा केसी