प्रतिबन्धित नेकपाका दुई कार्यकर्ता गिरफ्तार

  ०७७ माघ २६ गते

नेत्रविक्रम चन्द (विप्लव) नेतुत्वको प्रतिबन्धित नेपाल कम्युनिष्ट पार्टीका दुई जना कार्यकर्तालाई इलाका प्रहरी कार्यालय हरिचौरको प्रहरी टोलीले माघ २४ गते साँझ गिरफ्तार गरेको छ ।

प्रतिबन्धित पार्टीका जनसरकार प्रमुख बागलुङ जिल्ला ढोरपाटन नगरपालिका–२ का ३० वर्षीय छमसेन भन्ने भुवन सेन र सोही पार्टीका सदस्य मकवानपुर जिल्ला बागमती गाउँपालिका–७ का ३१ वर्षीय प्रकाश माझीलाई गिरफ्तार गरिएको जिल्ला प्रहरी कार्यालय बागलुङका इन्स्पेक्टर विराट शर्मा पौडेलले इन्सेक जिल्ला प्रतिनिधिलाई जानकारी दिनुभयो ।

गिरफ्तार गरिएका दुवैलाई थप अनुसन्धानको लागि जिल्ला प्रहरी कार्यालय बागलुङ ल्याउँदै गरिएको उहाँले बताउनुभयो ।


सिर्जना पन्त