प्रतिबन्धित नेकपाका जिल्ला इञ्चार्जसहित ६ जना गिरफ्तार

  ०७७ मङ्सिर ९ गते

नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टी (नेकपा) का लमजुङ इञ्चार्जसहित ६ जना कार्यकर्तालाई जिल्ला प्रहरी कार्यालयले दोर्दी गाउँपालिका–८ स्थित खिन्चोकबेसीबाट गिरफ्तार गरेको छ ।

गिरफ्तार हुनेहरूमा रोल्पा जिल्ला गङ्गादेव गाउँपालिका–२ घर भएका जिल्ला इञ्चार्ज ४२ वर्षीय जङ्गबहादुर भण्डारी (आक्रोश) दोर्दी गाउँपालिका–७ निवासी ४६ वर्षीय जिल्ला सेक्रेटरी बिलबहादुर गुरुङ (गौरव) नेकपाका जिल्ला सदस्यहरुमा मध्यनेपाल नगरपालिका–४ निवासी ६२ वर्षीय नारायणबहादुर कुवर, राईना नगरपालिका–६ निवासी वर्ष ३४ का रविन्द्र नखोला, दोर्दी गाउँपालिका–७ निवासी २२ वर्षीय दुर्गालाल तामाङ, मध्यनेपाल नगरपालिका–१० निवासी २६ वर्षीय सुजन थापालाई विष्पोटक पदार्थसहित गिरफ्तार गरेको प्रहरी डिएसपी गङ्गाबहादुर थापाले बताउनु भयो ।

जिल्ला प्रहरी कार्यलयको विशेष टोलीले मङ्सिर ८ गते गिरफ्तार गरेको डिएसपी थापाले बताउनु भयो । खोजतलसको क्रममा नगद रसिदको प्याड सिसाका छर्राहरू फेला पारिएको छ ।

निजहरू उपर विष्फोटक पदार्थसम्बन्धी कसुर आन्तर्गत थप अनुसन्धान भइरहेको डिएसपी थापाको भनाइ छ ।


दलबहादुर मजाकोटी