प्रतिबन्धित नेकपाका जिल्ला अध्यक्ष गिरफ्तार

  ०७६ फागुन ३० गते

नेत्रविक्रम चन्द विप्लव नेतृत्वको प्रतिबन्धित नेकपाका जिल्ला अध्यक्ष हेटौडा उमनपा–१६ निवासी ४० वर्षीय इन्द्रबहादुर नकडोली परियारलाई फागुन २५ गते दिउँसो प्रहरीले गिरफ्तार गरेको छ ।

ईलाका प्रहरी कार्यालय सिमराका डिएसपी गोविन्द पुरीको कमाण्डमा रहेको प्रहरी टोलीले जितपुरसिमरा उमनपा–७ जितपुर बजारमा बा २७ प १९९१ नम्बरको पल्सर बाइकबाट परियारलाई गिरफ्तार गरेको हो ।

नेत्रविक्रम चन्द (विप्लव) नेतृत्वको प्रतिबन्धित नेकपाको बारा जिल्ला इन्चार्ज र नारायणी ब्यूरो सदस्य रहेको आरोपमा परियारलाई गिरफ्तार गरेको जिल्ला प्रहरी कार्यालयका डिएसपी गौतम मिश्रले बताउनु भयो ।

०७६ फागुन २६ गते प्रेस विज्ञप्ति जारि गर्दै जिल्ला प्रहरी कार्यालय बाराले ०७६ पुस १५ गते जितपुरसिमरा उमनपा–१६ मा रहेको एनसेल टावरमा र सोही दिन सोही उमनपा–११ फट्टेपुरमा रहेको अर्को एनसेल टावरमा आगजनी गरेको कसुरमा जिल्ला अदालत बारामा मुद्दा चलाइएको डिएसपी गौतमले जानकारी दिनु भयो ।

परियारका साथबाट पर्चा, पम्पलेट र मोबाइल सेटहरू बरामद भएको डिएसपी गौतमले बताउनु भयो । गिरफ्तार परियारको स्वास्थ्य परीक्षण सिमराको अल्पाइन अस्पतालमा गरी कसुरहरूको सुक्ष्म अनुसन्धान गरीरहेको डिएसपी गौतमले बताउनु भयो ।


भोलानाथ पौडेल