प्रतिबन्धित नेकपाका जाजरकोट इञ्चार्ज गिरफ्तार

  ०७६ कात्तिक २९ गते

नेत्रविक्रम चन्द (विप्लव) नेतृत्वको नेपाल कम्युनिष्ट पार्टी जाजरकोटका इञ्चार्ज जाजरकोट जिल्ला नलगाड नपा–५ का ४२ वर्षीय प्रेमप्रकाश वलीलाई कात्तिक २८ गते कोहलपुरबाट गिरफ्तार गरेको प्रहरीले जनाएको छ ।

जाजरकोटमा एनसेल टावरमा आगजनी तथा तोडफोड, जबरजस्ती चन्दा असुल लगायतका क्रियाकलापमा संलग्न रहेको आरोपमा जिल्ला प्रहरी कार्यालय जाजरकोटले संरचना विनास, राज्यविरूद्धको अपराध र चन्दा असुलसम्बन्धी कसुरमा मुद्दा चलाएको छ ।

आरोपितलाई इलका प्रहरी कार्यालय कोहलपुरले कोहलपुर नगरपालिका–२ बाट गिरफ्तार गरेको डिएसपी हेमबहादुर शाहीले बताए ।


स्मृति देवकोटा