समाचारहरू

नेत्रविक्रम चन्द (विप्लव) नेतृत्वको प्रतिबन्धित नेकपा कास्कीका जिल्ला इञ्चार्ज कृष्ण वाग्ले ‘रूपेश’ लाई असोज ९ गते प्रहरीले पुनः गिरफ्तार गरेको छ ।

वाग्लेलाई जिल्ला अदालत, कास्कीका न्यायाधीश दण्डपाणि शर्माको एकल इजलासले असोज ९ गते साधारण तारेखमा रिहा गर्न आदेश दिएको थियो ।

रिहाइको आदेशपछि अदालतबाट बाहिरिने क्रममा वाग्लेलाई प्रहरीले पुनः गिरफ्तार गरेको हो । तर, जिल्ला प्रहरी कार्यालय, कास्कीका डिएसपी राजकुमार केसीले भने वाग्लेलार्ई कास्की प्रहरीले गिरफतर नगरेको बताए ।

गिरफतर गरिएका वाग्लेका दाजु मुकेश वाग्लेले गिरफ्तार गरेर गोरखा लगिएको भन्ने खबर पाएका कारण आफू जिल्ला प्रहरी कार्यालय, गोरखा जान लागेको बताए । वाग्लेलाई प्रहरीले यसअघि भदौ ६ गते पोखरा मनपा–२७ शिशुवाबाट गिरफ्तार गरेको थियो ।

वाग्लेका विरूद्ध राज्यविरूद्धको कसुर, पोखरा सस्तो बजारमा भएको विष्फोटनसम्बन्धी र एनसेल टावरमाथि आक्रमण गरेको लगायतका तीन ओटा विषयमा जिल्ला अदालतमा मुद्दा दायर गरिएको थियो ।

सुशन घिमिरे