प्रतिबन्धित नेकपाका कार्यकर्ता कारागार परिसरबाटै पुनः गिरफ्तार

  ०७६ माघ २५ गते

नेत्रविक्रम चन्द (विप्लव) नेतृत्वको प्रतिबन्धित नेकपा, जाजरकोटका कार्यकर्ता ३४ वर्षीय खडक सिंहलाई प्रहरीले माघ २४ गते जिल्ला कारागार जाजरकोटबाट पुनः गिरफ्तार गरेको छ ।

गत साउन १० गते सुर्खेत जिल्लाबाट गिरफ्तार गरी सुर्खेत प्रहरीले जाजरकोट प्रहरीलाई बुझाएको र जाजरकोट प्रहरीले अनुसन्धान गरिरहेका सिंहलाई जिल्ला अदालत जाजरकोटले भदौ १ गते १ लाख रुपियाँ धरौटीमा रिहा गर्न आदेश दिएको भएपनि सिंहले माघ २४ गते मात्र धरौटी रकम बुझाएका थिए ।

धरौटी रकम बुझाए लगत्तै रिहा भएका सिंहलाई जिल्ला अदालतको आदेशको अवेज्ञा गर्दै जिल्ला प्रहरी कार्यलय जाजरकोटले जिल्ला कारागार परिसर जाजरकोटबाट पुनः गिरफ्तार गरेको हो ।

सिंहलाई स्थानीय व्यवसायीहरूलाई डर धम्की देखाएर चन्दा असुली गरेको र शान्ति सुरक्षामा खलल पुर्‍याएको प्रहरीको आरोप छ ।


दिनेशकुमार श्रेष्ठ