प्रतिबन्धित नेकपाका कार्यकर्ता गिरफ्तार

  ०७६ भदौ ३१ गते

नेत्रविक्रम चन्द विप्लव (नेतृत्व)को प्रतिबन्धित नेकपाका कार्यकर्ता ताँजाकोट गाउँपालिका-५ बस्ने २१ वर्षीय उपेन्द्र रावतलाई प्रहरीले भदौ २९ गते बेलुकी गिरफ्तार गरेको छ ।

रावतले हुम्लाका सरकारी कार्यालयहरूमा नेकपाको आधिकारिक लेटरप्याडमा आर्थिक चन्दा सङ्कलन गरेको आरोपमा प्रहरीले सदरमुकाम सिमकोट बजारबाट गिरफ्तार गरेको जिल्ला प्रहरी कार्यालय, हुम्लाका डिएसपी रामप्रसाद घर्तीमगरले बताए ।

रावतलाई गिरफ्तारपछि जिल्ला प्रहरी कार्यालय, हुम्लास्थित हिरासतमा राखी अनुसन्धान गरिरहेको डिएसपी घर्तीमगरले जानकारी दिए ।


नन्द सिंह