प्रतिबन्धित नेकपाका कार्यकर्ता गिरफ्तार

  ०७६ साउन २१ गते

नेत्रविक्रम चन्द (विप्लव) नेतृत्वको प्रतिबन्धित नेकपाका कार्यकर्ता कञ्चनपुर जिल्ला बेलडाँडी गाउँपालिका–२ निवासी ३६ वर्षीय लक्षमण सेरेलालाई साउन २१ गते प्रहरीले माया मेट्रो अस्पताल, धनगढीबाट गिरफ्तार गरेको छ ।

साउन २ गते धनगढीको चटकपुरस्थित शहीद गेट नजिकै निलम होटलमा बम विस्फोटमा परी घाइते भएका सेरेलाकोे माया मेट्रो अस्पतालमा प्रहरीकै निगरानीमा उपचार भइरहेको थियो ।

उपचारपछि सेरेलालाई साउन २१ गते अस्पतालले डिस्चार्ज गरेकोमा अस्पतालबाटै प्रहरीले गिरफ्तार गरेको हो ।

बझाङ जिल्ला जयपृथ्वी नपा—१४ का २६ वर्षीय रामबहादुर सिंहले बोकेको बम साउन २ गते विष्फोट हुँदा उपचारका क्रममा बमको मृत्यु भएको थियो भने सेरालासहित पाँच जना घाइते भएका थिए ।


मैनामोती चौधरी