प्रतिबन्धित नेकपाका कार्यकर्ता गिरफ्तार

  ०७६ साउन १४ गते

महुन्याल गाउँपालिका-३ फलेबिसौना निवासी नेत्र विक्रम (विप्लव) नेतृत्वको नेकपाका कार्यकर्ता ४३ वर्षीय यमबहादुर शाहलाई साउन १२ गते बर्दगोरिया गाउँपालिका-३ खैरेनीबाट प्रहरीले गिरफ्तार गरेको छ ।

चन्दा उठाइरहेको अवस्थामा इलाका प्रहरी कार्यालय, बौनियाबाट गस्तिमा खटिएको प्रहरी टोलीले   शाहलाई गिरफ्तार गरेको प्रहरीले जनाएको छ ।

गिरफ्तार गरिएका शाहको थप अनुसन्धानका लागि साउन १३ गते जिल्ला प्रहरी कार्यालय, कैलालीमा ल्याइएको र शाहविरूद्ध चन्दा असुली कसुरमा मुद्दा दर्ता गर्ने तयारी समेत भइरहेको जिल्ला प्रहरी कार्यालय, कैलालीका डिएसपी दक्षकुमार बस्नेतले बताए ।


मैनामोती चौधरी