प्रतिबन्धित नेकपाका कार्यकर्ता गिरफ्तार

  ०७७ साउन २३ गते

जिल्ला प्रहरी कार्यालय रुकुम पश्चिमले नेत्र विक्रम चन्द (विप्लव) नेतृत्वको नेपाल कम्युनिष्ट पार्टीका  चारजना कार्यकर्तालाई गिरफ्तार गरेको छ ।

जिल्ला सेक्रेटरी मुसीकोट नगरपालिका– ६ का ३९ वर्षीय हिरामनी रावल, जिल्ला कमिटी सदस्य त्रीवेणी गाउँपालिका– ५ का २८ वर्षीय घमण्ड महर, अखिल क्रान्तिकारीका जिल्ला अध्यक्ष त्रीवेणी गाउँपालिका– २ का १९ वर्षीय प्रेम  प्रशान्त बोहरा, र पार्टी कार्यकर्ता त्रीवेणी गाउँपालिका– १ का २० वर्षीय तुलबहादुर घर्तीलाई ०७७ साउन २१ गते राती गिरफ्तार गरेको डिएसपी ठगबहादुर केसीले बताउनुभयो ।

विप्लव समूहले लुकिछिपी कार्यक्रम गर्न लागेको सुचना पाएपछि आठवीसकोट नगरपालिका –९ राडीबजारको एक होटेलको कोठामा छलफल गरिरहेको अवस्थामा उनिहरुलाई पक्राउ गरिएको डिएसपी केसीले जानकारी दिनुभयो ।


मनिषा केसी