प्यूठानका ६ ओटा मतदानस्थल संवेदनशील

  ०७६ मङ्सिर २ गते

प्यूठानमा मङ्सिर १४ गते हुने उप निर्वाचनका लागि तोकिएका मतदानस्थल मध्ये ६ ओटा मतदानस्थल संवेदनशील रहेका छन् ।
ऐरावती गाउँपालिका–१, २ र प्यूठान नपा–२ मा वडा अध्यक्ष पदका लागि हुने उप निर्वाचनका लागि तोकिएका आठ ओटा मतदान स्थलमध्ये ऐरावती गाउँपालिकाका ६ ओटा मतदानस्थल संवेदनशील रहेको र प्यूठान नपा–२ का दुई ओटा मतदान स्थल समान्य रहेको प्रमुख जिल्ला अधिकारी कृष्णप्रसाद पन्थले बताए ।

प्यूठानमा दुई ओटा स्थानीय तहका तीन ओटा वडामा आठ ओटा मतदानस्थल र १२ ओटा मतदान केन्द्र रहेको प्रमुख जिल्ला अधिकारीले बताए ।

उनले मतदान स्थललाई सुरक्षा, सञ्चार, यातायात र भुगोलका हिसाबले संवेदनशील र सामान्य विभाजन गरिएको बताए ।

तीन ओटा वडाका अध्यक्षका लागि हुने उपनिर्वाचनमा ४ हजार ३ सय ५२ जना महिला र ३ हजार ९ सय ७४ जना पुरूष गरी कुल ८ हजार ३ सय २६ जना मतदाता रहेका जिल्ला निर्वाचन कार्यलयका प्रमुख कृष्णबहादुर कुँवरले बताए ।


रविन्द्र पाण्डे