पाँच वर्षदेखि पिउने पानीको अभाव

  ०७६ जेठ ११ गते

सर्केगाड गाउँपालिका–६ मा रहेको छ्याँगी गाउँ र गाउँमा रहेको पशुपति आधारभुत विद्यालयमा पाँच वर्षदेखि खाने पानीको अभाव भएको छ ।
सो गाउँपालीकाको छ्याँगी गाउँको ढोसाईटा बाट थाप्ला हुँदै डाँडा खोला पानी आयोजनाको खानेपानी ग्रामीण जलश्रोत परियोजना नामक संस्थाबाट २० लाख रुपियाँ बजेट छुट्याएको भएतापनि अहिलेसम्म पानीका धारा समेत नबनेको छ्याँगी निवासी स्थानीय मनबहादुर शाहीले गुनासो गरे ।

खानेपानीको स्रोत अभाव हुँदा छ्याँगी गाउँमा अझै पनि खानेपानीको धारा जडान हुन नसकेको शाहीको भनाई छ ।

‘खानेपानी निर्माण गर्ने भन्दै आएका उभोक्ता समितिले अहिलेसम्म न पाइपलाईन खनेको छ न त मुहानमा खानेपानी ट्याङ्की बनाएको छ ।’–स्थानीय पदमबहादुर शाहीले गुनासो गरे ।

गर्मीयाम बढेसँगै अहिले विद्यालय र गाउँमा पानीको चरम अभाव भएको छ । यहाँका स्थानीय अहिलेसम्म खानेपानीको धारा नबनाएको भन्दै यो समस्या खाने पानी उपभोक्ता समितिले बल्झाएको हर्क शाहीको आरोप छ ।

पाँच वर्षसम्म कसैको ध्यान जान सकेको आरोप लगाउँदै विद्यार्थी विशाल शाहीले भने–‘यतिबेला हाम्रो विद्यालयका १ सय ४५ जना विद्यार्थी पानी पिउन नपाएर विद्यालयमा आउन समेत छाडेका छन् ।’

पानी पिउन नपाउँदा पढाईमा पनि त्यति धेरै राम्रो ध्यान जाने नगरेको अर्का विद्यार्थी पुस्कर शाहीले गुनासो गरे ।

०७२ सालमा ग्रामीण जलश्रोत परियोजनाको आर्थिक सहयोगमा बजेट पार्ने विनियोजन गरेको भएपनि ०७४ भदौ महिनामा सम्झौता भएका थियो । उक्त योजना ०७५ असार मसान्तसम्म सम्पन्न गर्ने भनी सम्झौता गरिएको थियो ।


नन्द सिंह