पत्रकारलाई ज्यान मार्ने धम्की दिएको भन्दै प्रहरीमा उजुरी

  ०७६ पुस १३ गते

नेपाल टेलिभिजन र नयाँ पत्रिकाका लागि हुम्ला जिल्ला संवाददाता चंखेलि गाउँपालिका–५ बस्ने २९ वर्षीय नरजन तामाङलाई खार्पुनाथ गाउँपालिका–४ बस्ने २८ वर्षीय रामजन शाही र सोही ठाउँ बस्ने ३० वर्षीय जगदिश हमालले ज्यान मार्ने धम्की दिएको भन्दै पीडितले पुस ११ गते प्रहरीमा उजुरी दिनुभएको छ ।
खाद्य डिपोको ताला फोरेर कार्यकर्तालाई चामल वितरण भन्ने विषयको समाचार पुस ४ गते नयाँ पत्रिकामा किन छापेको भन्दै आफु पुस ११ गते फिल्डबाट फर्किने क्रममा आरोपितद्धयले खार्पुनाथ गाउँपालिकाको कार्यालय देखि २० मिटर टाढाको ठाउँमा हातपात गर्न खोज्नुका साथै र मार्ने समेत धम्की दिएको पत्रकार तामाङले बताउनुभयो ।
फिल्डबाट फर्किने क्रममा आफुलाई हाम्रो समाचार किन छापेको ? भन्दै आरोपितद्धयले कुटपिट गर्न खोज्दा स्थानीय आई घटना हुनबाट जोगाएको पत्रकार तामाङको भनाई छ ।
पीडितको उजुरी प्राप्त हुने बित्तिकै याङ्चु प्रहरी चौकीको टोलीलाई पीडितको सुरक्षा तथा घटनाको अनुसन्धानको जिम्मेवारी दिईएको जिल्ला प्रहरी कार्यालय, डिएसपी रामप्रसाद घर्तिमगरले जानकारी दिनुभयो ।


नन्द सिंह