पत्नी हत्या घटनाको कसुरमा जन्मकैदको फैसला

  ०७६ कात्तिक १ गते

गोलबजार नपा–३ की २१ वर्षीया श्रृजना निरौला दाहाललाई हत्या गरेको कसुरमा २३ वर्षीय पति बाबुराम भनिने खर्कराज दाहाललाई जिल्ला अदालतले असोज ३० गते जन्म कैदको फैसला गरेको छ ।

न्यायाधीश अनिलकुमार शर्माको इजलासले सो फैसला गरेको सरकारी वकिल एकराज अधिकारीले बताए ।

खर्कराजले श्रृजनालाई ०७५ मङ्सिर २९ गते हत्या गरेको आरोपमा पीडित पक्षले इलाका प्रहरी कार्यालय गोलबजारमा ०७५ पुस ८ गते उजुरी दिएको थियो । शवको पोष्टमार्टम लहानस्थित रामकुमार उमाप्रसाद स्मारक अस्पतालमा पुस १ गते गरिएको थियो ।

इलाका प्रहरी कार्यालय गोलबजारले हत्या आरोपमा पुस ८ गते गिरफ्तार गरेकोमा आरोपित जिल्ला अदालतको आदेशमा माघ ७ गतेदेखि पुर्पक्षका लागि थुनामा रहेका थिए ।


दुर्गा परियार