समाचारहरू

धारिलो हतियार प्रहार गरी पत्नीको हत्या गरेको आरोपमा ढोरपाटन नगरपालिका–७ का ६२ वर्षीय देवीराम विकलाई प्रहरी चौकी ढोरपाटनले चैत ६ गते गिरफ्तार गरेको छ ।

अत्याधिक मादक पदार्थ सेवन गरेका देवीरामले घरायासी विवादको क्रममा ५० वर्षीया पत्नी गौरा विकलाई चैत ५ गते राति ९ बजे फलामको गैंचीले टाउकोमा प्रहार गर्दा घटनास्थलमै मृत्यु भएको जिल्ला प्रहरी कार्यालय बागलुङका एसपी नवराज भट्टले जानकारी दिनुभयो । उहाँले आरोपितलाई जिल्ला प्रहरी कार्यालय बागलुङमा ल्याउदै गरिएको बताउनुभयो ।

प्रहरीले मृतक गौराको शव प्राथमिक स्वास्थ्य केन्द्र बुर्तिवाङमा पोष्टमार्टम गरि बुहारी कल्पना विकलाई बुझाएको जानकारी  दिएका छन् ।

सिर्जना पन्त