पत्नी हत्या घटनाका आरोपित गिरफ्तार

  ०७६ जेठ २६ गते

वाणगङ्गा नगरपालिका–१ बुंचीकी ३९ वर्षीया गीता चौधरीलाई इँटा प्रहार गरी हत्या गरेको आरोपमा प्रहरीले ४९ वर्षीय पति अगमन चौधरलाई जेठ २६ गते गिरफ्तार गरेको छ । ।

आरोपितले २६ गते दिउँसो ४ः३० बजे गीताको हत्या गरेको इलाका प्रहरी कार्यालय पिपराले जानकारी दिएको छ ।

रक्सीले मातेर आएका बेला पत्नीले गाली गरेकोले रिसको झोकमा टाउकोमा इँटा प्रहार गरी गम्भीर घाइते तुल्याएपछि चौधरीलाई उपचारको लागि प्रादेशिक अस्पताल बुटवलमा लगिएको थियो ।

उपचारको क्रममा उनको मृत्यु साँझ ७ बजे भएको इलाका प्रहरी कार्यलय पिपराले जनाएको छ ।

आरोपितलाई कर्तव्य ज्यान मुद्दा चलाइने र घटनाबारे थप अनुसन्धान भइरहेको जिल्ला प्रहरी कार्यालयका डिएसपी देबेन्द्र पाण्डेले जानाकारी दिए ।

बाणगङ्गामा तीन महिनाको अवधीमा तीन जना महिलाको पतिद्वारा हत्या भएको आरोपमा उजुरी तथा अनुसन्धान भइरहेको जनाइएको छ ।


नन्दराम पौडेल