पत्नी हत्या घटनाका आरोपित गिरफ्तार

  ०७३ असोज १५ गते

झलारी पिपलाडी नपा-४ असैनाकी २१ वर्षीया जिविका रानाको हत्या गरेको आरोपमा प्रहरीले उनका २१ वर्षीय पति बलराम रानालाई असोज १५ गते गिरफ्तार गरेको छ ।

पीडित महिलासँग रामान्य विवाद भएपछि असोज १४ गते राति बलरामले जिविकाको टाउकोमा ढुङ्गाले प्रहार गरी हत्या गरेको आरोपमा जिल्ला प्रहरी कार्यालय कञ्चनपुरले आरोपितलाई गिरफ्तार गरेको जनाएको छ ।

प्रहरीको प्रारम्भिक अनुसन्धानका क्रममा बलरामले पत्नीको हत्या गरेको स्वीकार गरिसकेको जिल्ला प्रहरी कार्यालय कञ्चनपुरका डिएसपी नैनसिंह कार्कीले बताए ।

पीडित महिलाको शवको पोष्टमार्टम असोज १५ गते महाकाली अञ्चल अस्पतालमा गरिएको पनि प्रहरीले जनाएको छ ।


कोमलनिरन्जन भाट